ኣብ ጀርመን ጽቡቕ ናብራ ከትሕልፉ እንተደሊኹም ናይ ግድን ቋንቋ ጀርመን ክትመሃሩ ኣለኩም። ኣብ ሽለስቪክ-ሆልሽታይን በዚ ብዝምልከት ዝተፈላለየ ናይ ቋንቋ ትምህርቲ ዕድላት ኣሎ። በቶም ኣብ ትርፍ ጊዚኦም ይኹን ብምሉእ ጊዚኦም ቋንቋ ዝምህሩ ተኻፈልቲ ናይ ምዃን ዕድል ኣለኩም። እዚ ዓይነት ናይ ቋንቋ ትምህርቲ ብሓደ ሓደ ግብረሰናይ ውልቀ ሰባት ካብ ጎረቤት ብናጻ ዝገብርዎ ናይ ቋንቋ ምምሃር ሓገዝ ከኸውን ከሎ ከምኡ'ውን ቀዋሚ ዝኾነ መሰረታዊ ናይ ቋንቁ ትምህርቲ ኮርስ ዝወሃብ ካልእ እውን ዕላዊ ዝኾነ ናይ ቋንቋ ትምህርቲ ኮርስ ምስ ናይ መጻኢ ናይ ሞያ ትምህርቲ ዝተተሓሓዘ ትምህርቲ ኣሎ።
ኣብ ሽለስቢግ-ሆልሽታይን ናይ መጀመርያ መሓበሪ ኮርስ ቐረባት ኣሎ። ኣብዚ ኮርስ („Starter-Paket für Flüchtlinge in Schleswig-Holstein- kurz: STAFF SH“) እዚ ብመሰረቱ ኣብቲ ዞባ ዝነብሩ ኩሎም ዑቕባ ዝሓተቱ ሰባት ንኽመሃሩ መሰል ኣለዎም። ኣብ ከምዚ ዓይነት ናይ ቋንቋ ትምህርቲ እቶም ተምሃሮ እቲ ንመዘራረቢ ዝሕግዝ መባእታዊ ዝኾነ ናይ ቋኑቋ ጀርመን ትምህርቲ ይመሃሩ ከምኡ’ውን ብዛዕባ ኣብ ጀርመን ዘሎ ናይ ናብራ ዅነትትን ናይቲ ሕብረተሰብ ጠባይን ይመሃሩ፡ ብተወሳኺ’ውን ብዛዕባ እቲ ኣብቲ ኸባቢ ዘሎ ናይ ሓበሬታን ናይ ኣገልግሎትን ቐረባት ንምፍላጥ ሓበሬታ ይወሃቦም። እዚ ንፈላማ መላለዪ ተባሂሉ ዝወሃብ ኮርስ በቶም ኣብ ኩሉ እቲ ዞባ ነጢፎም ናይ ቋንቋ ኮርስ ቐረባት ዘዳልዉ ትካላት ይዳሎ። ንኣብነት ኣብ ዞባ ሽለስቪግ-ሆልሽታይን ብናይ ጠቕላሊ ማሕበራት ናይ ፎልክስ-ሆኽ-ሹለ ዝዳሎ ኮይኑ ኣብቲ ዝምልከቶ ቦታታት ዝርከቡ ማሕበራት ብምትሕብባር ይዳሎ። ከም ልሙዲ እዚ ከምዚ ዓይነት ኮርስ ብጠቕላላ 100 ናይ ትምህርቲ ሰዓታት ዘጠቓልል ክኸውን ከሎ እዚ ድማ ኣብ 10 ሰሙናት ተኸፋፊሉ ነነፍስ ወከፍ ሰሙን ድማ 10 ናይ ትምህርቲ ሰዓታት ይወሃብ ።
ኣብ ሽለስቪግ-ሆልሽታይን ዝወሃብ ስታፍ ኮርስ ኣብዚ ዝስዕብ ክትረኽብዎ ትኽእሉ፡
Erstorientierungskurse des BAMF für Asylbewerber mit unklarer Bleibeperspektive
MiA – Migrantinnen einfach stark im Alltag
ናይ ምውህሃድ ኮርስ (ኢንተግራስዮን ኮርስ) ክበሃል ከሎ ናይ ቋንቋን ካልእ ተወሳኺ ናይ መነባብሮ ሓበሬታ ትምህርቲ ዘጠቓለለ ኮርስ ክኸውን ከሎ እዚ ኮርስ እዚ ምስወዳእኻ ዝወሃበካ ባጀላ ድማ ብዓለም ለኽኣዊ ደረጃ ተቐባልነት ዘለዎ ባጀላ ኢዩ። ኣብ ከምዚ ዓይነት ትምህርቲ ኣብ መዓልታዊ ናብራ ዘጋጥሙ ኹነታት ከም ምንባር፣ ምስራሕ፣ ናይ ጥዕና ጉዳይ፣ ናይ መዘናጊዒታትን ከምኡ'ውን ብዛዕባ ናይ ጀርመን ባህልን ፖለቲካን ብዝምልከት ዝወሃቡ ሓፈሻዊ ትምህርቲ የጠቓልል።
ናይ ምውህሃድ ኮርስ (ኢንተግራስዮን ኮርስ) ኣብ ሽለስቪክ-ሆልሽታይን ኣብ ዝተፈላለየ ቦታታት ተዳልዩ ኣሎ። ሓደ ውልቀ ሰብ ከምዚ ዓይነት ኮርስ ናይ ምክፋል ዘለዎ መሰል ወይ ንኽካፈል ዝግደደሉ ኣገባብ ከከም ኩነታቱ ካበየናይ ሃገር ዝመጸ ምዃኑ ተፈሊጡ፣ እቲ ዘለዎ ናይ መንበሪ ፍቓድ ዓይነት ተራኢዩ ከምኡ’ውን እቲ ናቱ ናይ ቋንቋ ጀርመን ዘለዎ ዓቕሚ ስጋብ ክንደይ ምዃኑ ምርኩስ ብምግባር ኢዩ ዝውሰን። ሰፊሕ ሃበሬታ ብዛዕባ እቲ ዝተፈላለየ ዓይነት ኮርስን ትሕዝቶኡን፣ መን ክካፈል ከምዝኽእል ወይ መን ንኽካፈል ግዴታ ከምዘለዎ፣ ከምኡ’ውን መሰልን ግዴታን ናይቶም ተኻፈልቲ ዝኾኑን ብተወሳኺ’ውን እተን ከምዚ ዓይነት ናይ ኮርስ ቐረባት ዘዳልዋ ትካላት ንምፍላጥ ናይ ስደተኛታት ዝምልከቶ መንግስታዊ ቤት ጽሕፈት ናይ ቡንደስ ኣምት (Bundesamt für Migration und Flüchtlinge) ዘድሊ ሓበሬታ ይህብ።
Informationen zum Integrationskurs
Schnellsuche über das BAMF-Navi
ብዛዕቢ እቲ ብሃገር ደረጃ ዝዳሎ ምስ ሞያ ዝተኣሳሰረ ናይ ቋንቋ ትምህርቲ ዘሎ ቐረባት ንምፍላጥ ይኹነ ኣብኡ ንምክፋል ክማላእ ዘለዎ ቅጥዕታት ንምፍላጥ ዘድሊ ሓበሬታ ኣብዚ ዝስዕብ ናይ ኢንተርነት ኣድራሻ ክትረኽቡ ትኽእሉ:
Berufsbezogene Sprachkurse finden
ናይ ቛንቛ ልምምድ ኣለ ኣን ቦርድ (Sprachtraining Alle an Bord!) – ) – እንታይ እዩ – ስለምንታይ እዚ ልምምድ ንገብር ፧
ናይ ቛንቛ ልምምድ ኣለ ኣን ቦርድ (Sprachtraining Alle an Bord!) – ) – እንታይ እዩ – ስለምንታይ እዚ ልምምድ ንገብር ፧
ኣብቲ ኣብ ኢንተርነት ዘሎ ናይ ጀርመን ፎልክስሆኽሹለ ማሕበር መምሃሪ ምንጪ፣ ብደረጃ ናይ ምውህሃድ ኮርስ መልክዕ (A1 – B1) ዝኾነ ካብ ኢንተርነት ቋንቋ ጀርመን ክትማሃሩ ትኽእሉ ኢኹም። ብተወሳኺ’ውን እዚ ናይ መምሃሪ ምንጪ ብርክት ዝበለ ናይ ጀርመን ፊደላት ንመምሃሪ ዘገልግል ጽሑፋትን ሓበሬታታትን ተዳልዩ ኣሎ።
እቲ ብናጻ ክትጥቀምሉ እትኽእሉ ናይ መምሃሪ ምንጪ ብዝተፈላለይ ቋንቋታት ተዳልዩ ኣሎ። ኣብዚ ዝስዕብ ናይ ኢንተርነት ኣድራሻ ድማ ክትረኽብዎ ትኽእሉ። Ich will Deutsch lernen: Zum Lernportal der VHS
ብዛዕባ እቲ ደረጃ ናይ ቋንቋ ንምፍላጥ ዘድሊ ሓበሬታ ብናይ ሓባር ናይ ኣውሮጳ ኣገባብ ዝወጸ ሓበሬታ ብናይትኩም ቋንቋ ተጻሒፉ ኣብዚ ዝስዕብ ናይ ኢንተርነት ኣድራሻ ክትረኽብዎ ትኽእሉ: Gemeinsamer Europäischer Referenzrahmen
ኣብዚ ዝስዕብ ካብቶም ብነጻ ዝወሃቡ ቐረባት ኣኪብና ቀሪብናልኩም ኣሎና። እንተኾነ ግን እዚ ኣብ መርበብና ተዳልዮም ዘለዉ ነቲ ብሞያውያን ወይ ብስነ-ምምህርና ዝወሃብ ገምጋም ዝትክእ ኣይኮነን።
እዚ ፕሮግራማት እዚ ናይ ጀርመን ቋንቋ ንኽትመሃሩ ክሕግዘኩም ይኽእል ኢዩ። እንተኾነ ግን ቋንቋ ጀርመን ንምምሃር ነዚ ናይ ኣፕስ ፕሮግራም ሓገዝ ጥራሕ ተኣማሚንኩም ክትመሃሩ የብልኩምን። እዚ ነቲ መደበኛ ናይ ቋንቋ ትምህርቲን ነቲ መዓልታዊ ብኣካል ዝግበር ናይ ቋንቋ ልምምድ ክትከኦ ኣይክእልን ኢዩ።
እዚ ፕሮግራም ብጣዕሚ ጽቡቕ ዝኾነ ኣፕ (App) ኮይኑ ብዛዕባ ናይቲ መጀመርያ እትገብርዎ ስጉምቲ ሓበሬታ፣ ብዛዕባ ባህሊን ህዝቢ ጀርመንን ዝምልከት ከምኡ’ውን ብዛዕባ ናይ ዑቕባ ምሕታት ኣገባብ ዝገልጽ፣ ብተወሳኺ’ውን ብዛዕባ ስራሕን ትምህርትን ብዝምልከት ሓበሬታ ክትረኽቡ ትኽእሉ። ብተወሳኺ’ውን እቲ መባእታዊ ዝኾነ ናይ ቛንቋ ጀርመን ትምህርቲ ማለት እቲ ኣድላዪ ዝኾነ ናይ መጀመርያ ቃላትን ዓረፍተ ነገርን ክትማሃሩ ትኽእሉ ኢኹም።
Ankommen - Ein Wegbegleiter für Ihre ersten Wochen in Deutschland
ኣብዚ ናይ ኢንተርነት መርበብ ናይ ቋንቋ ጀርመን ትምህርቲ ካብ A1 – B1 ዘሎ ደረጃ ከምኡ’ውን ደረጃ A1 ኮይኑ ተወሳኺ ብርክት ዝበለ ፊደላት ናይ ጀርመን ከም ካልኣይ ቋንቋ ንምምሃር ዝሕግዝ ዝተፈላለየ ጽሑፋትን ሓበሬታን ተዳልዩ ኣሎ። ብተወሳኺ’ውን ኣብ ስራሕን ኣብ ናይ ሞያ ስራሕ ዘድሊ ፍልጠት ናይ ቋንቋ ጀርመን ንኸተማሓይሽ ዝሕግዝ ክትረኽቡ ትኽእሉ።
ኣብዚ ናይ ኢንተርነት መርበብ እዚ ነቶም ብናቶም ተበግሶ ባዕሎም ነብሶም ኪኢሎም ኽመሃሩ ንዝደልዩን ከምኡ’ውን ነቶም ናይ ምውህሃድን ካልእ ናይ ቋንቋ ጀርመን ትምህርቲ ኮርስ ዝወስዱ ክሕግዝ ዝኽእል ብዙሕ ጽሑፋትን ሓበሬታታን ክትረኽቡ ትኽእሉ።
Ich will Deutsch lernen: Zum Lernportal der VHS
ብጸወታ መልክዕ ጌርካ ቋንቋ ጀርመን ምምሃር።
ነቶም ቅድሚ ሕጂ ዘይተምሃሩ ሓደሽቲ ተምሃሮ መምሃሪ ቃላት ዝኸውን ኣፕ (Vokabeltrainer-App)።
25 ቪድዮታት ምስ 100 ኣገደስቲ ዓረፍተ ነገራት
እዚ „Learn German for Refugees“ ዝተባህለ ኣፕ ካብ መርበብ papagei.com 25 ነንሕድሕዱ ርክባት ዘለዎ ቪድዮታት (interaktive Videos) ምስ 100 ኣገደስቲ ዓረፍተ ነገራትን ኣብቲ ናይ መጀመርታ ሰሙን ነቲ ናትኩም ናይ ቃላት ፍልጠት ከማዕብሎን ናትኩም ናይ ኣዳማምጻ ክእለት ድማ ከማሓይሾ ይኽእል ኢዩ። እቲ ኣፕ ናይ papagei.com ንናይ iOS ከምኡ’ውን Android ፕሮግራም ዝሰማማዕ ከተውርዱ (ዳውንሎድ) ክተገብሩ ትኽእሉ ኢኹም።
ኩሎም ህጻናት ኣብ ጀርመን ደቂ ሹዱሽተ ዓመት ኮይኖም ኣብ ቤት ትምህርቲ ቅድሚ ምጅማሮም ናብ መዋእለ ህጻናት (ኪንደርጋርተን) ይኸዱ። ኣብዚ ብሓንሳብ ኮይኖም ተሓልዮም ብሓባር ይጻወቱ፣ ይዝምሩ፣ ናይ ኢደ ጥበብ ስራሕ ይሰርሑ፣ ስእሊ ይስእሉ ከምኡ'ውን ብዘይ ተጽዕኖ ይመሃሩ። ደቕኩም ናብ መዋእለ ህጻናት ብምኻድ የዕሩኽ ንኽላለዩ፣ ናይ ጀርመን ቋንቋ ብቐሊሉ ንኽማሃሩ ምቹእ ዝኾነ ቅድመ ባይታ ይፈጥረሎም። ኣብዚ ደቕኹም ብመደብ ምስቶም ካልኦት ህጻናት ንኽዛራረቡ ምትብባዕ ይግበረሎም። ብተወሳኺ'ውን እቲ ናቶም ሓፈሻዊ ምዕባለ ንኽዓቢን ኣብቲ ንመጻኢ ዝማሃርዎ ትምህርቲ ጽቡቕ ምቕርራብ ንኽገብሩ ይሕግዞም። ኣብ መዋእለ ህጻናት ኩሉ ከከም ዝንባሌኡ፣ ክእለቱን፣ ዘለዎ ድልየቱን ተራእዩ ዘድሊ ደገፍ ይወሃቦ። ነቲ ንሳቶም ዝገብርዎ ስራሓት ዝዋሃብ ነጥቢ የልቦን ከምኡ'ውን ናይ ማህረምቲ መቕጻዕቲ የልቦን።
ንስኹም'ውን ከም ወለዲ ካብዚ ኹነታት ክትከስቡ ትኽእሉ ኢኹም። ምስቶም ኣብኡ ዘለዎ መምሃራን ብብግዚኡ እንዳተዛራረብኩም ናይ ውላድኩም ምዕባለ ክትከታተሉ ትክእሉ ኢኹም። ብተወሳኺ'ውን እቶም ናይቲ መዋእለ ህጻናት ሓለፍቲ ብዛእባ ሓፈሻዊ ናይ ቆልዓ ኣተዓባብያ ብዝምልከት ይኹን ካልእ ከጋጥመኩም ዝኽእል ጸገማትን ሕቶታትን ክሕግዝኹም ይኽእሉ ኢዮም። ኣብ መዋእለ ህጻናት ምስ ካልኦት ወለዲን ቆልዑትን ክትላለዩን ምስኦም ድማ ዕርክነት ክትገብሩን ሓሳብ ክትላዋወጡን ትኽእሉ ኢኹም። እንተድኣ ድልየትኩም ኮይኑ ድማ ኣብቲ መዋእለ ህጻናት ዝግበር ንጥፈታት ክትካፈሉ ትኽእሉ ኢኹም፣ እዚ ድማ ኣብቲ ኣብኡ ዝግበር በዓል ወይ ናይ ሓባር ንጥፈታት ንኣብነት ነቶም ቆልዑት ዛንታ ናይ ሃገርኩም ምንጋር ወይ ምስቶም ቆልዑት ብሓባር ኮይንካ ምቑር ሕብስቲ ምስራሕ ወዘተ። ኣብቲ ውላድኩም ናብ መዋእለ ህጻናት ዝኸደሉ ሰዓታት ንስኹም ድማ ጊዜኹም ክትጥቀምሉ ትኽእሉ ኢኹም ማለት ናይ ጀርመን ቋንቋ ምምሃር ወይ ናይ ቤት ጽሕፈታት ዝሳለጥ ነገር ከተሳልጡ ትኽእሉ።
ኣብቲ እትነብርሉ ቦታ ዘሎ ምምሕዳር ከይድኩም እቲ ኣብ ጥቓኹም ዝርከብ ናይ መዋእለ ህጻናት ኣድራሽኡ ኣብይ ከምዝኾነ ሓበሬታ ክትረኽቡ ትኽእሉ ኢኹም። ብተወሳኺ'ውን እቲ ሓበሬታ ኣብ ኢንተርነት ክትረኽብዎ ትኽእሉ ኢኹም።
ህጻናት ስድራቤቶም ዑቕባ ዝሓተቱን ስደተኛታትን እንድሕር ኮይኖም ብመሰረት ዓንቀጽ 24 ናይ ማሕበራዊ መጽሓፍ ሕጊ (Sozialgesetzbuch VIII) ኣብ ዝተፈላለየ ዝዓይነቱ መዋእለ ህጻናት ንኽኸዱ መሰል ኣለዎም፣ እዚ ኽኸውን ዝኽእል ወለዶም ናይ መንበሪ ፍቓድ (Aufenthaltsgestattung) ብመሰረት ናይ ኣሳይለም መስርሕ ዝሕግግ መጽሓፍ ሕጊ (AsylG) ዝወሃብ ወይ ዱልዱንግ (Duldung) ብመሰረት ናይ መንበሪ ፍቓድ ዝሕግግ መጽሓፍ ሕጊ (Aufenthaltsgesetz) ዝወሃብ ከህልዎም ኣለዎ። ኣብ ከምዚ ኹነታት እቶም ወለዲ ናይ ግዳን ስራሕ ዘለዎም ክኾኑ የብሎምን። እቲ ውላዶም ዕድሚኡ ሓደ ዓመት ምስ ኮነ ስጋብ ኣብቲ መደበኛ ቤት ትምህርቲ ዝጅምረሉ ጊዜ ኣብ ናይ መዋእለ ህጻናት ንኽኸይድ መሰል ኣለዎ። እቶም ስጋብ ሰላስተ ዓመት ዝዕድሚኦም ህጻናት ኣብ ካልእ ዓይነት መዋእለ ህጻናት ንኽኸዱ ኣማራጭ ኣለዎም። ናብ ሓደ መዓልታዊ ህጻናት ዝናበየሉ (Tagespflegestelle) ብንእስ ዝበለ ጉጅለ (ልክእ ከም ሓደ ስድራ ቤት ዓይነት) ኽኸዱ ይኽእሉ ኢዮም።
ናይ መዋእለ ህጻናት ቦታ ንምርካብ ኣብቲ እትነብርሉ ቦታ ዘሎ ምምሕዳር ምልክታ ተቕርቡ። መብዝሕትኡ ጊዜ እቲ ናይ መዋእለ ህጻናት ቦታ ቀልጢፉ ስለዝተሓዝ ብዝተኻእለ መጠን ኣቐዲምኩም ምልክታ ከተቕርቡ ኣለኩም። ኣቐዲምኩም ምልክታ ምስእተቕርቡ እቲ ናይቲ እትነብሩሉ ቦታ ዘሎ ምምሕዳር ነቲ ንስኹም ቦታ ንምርካብ እተቕርብዎ ምልክታ ማለት ብዝሒ ናይቶም ህጻናት ኣብ ግምት ብምእታው ምናልባት ተወሳኺ ናይ መዋእለ ህጻናት ንኽስራሕ ውሳኔ ክገብሩ ይኽእሉ ኢዮም። እንተደሊኹም'ውን ብቐጥታ ኣብቲ ኸባቢኹም ዝርከብ መዋእለ ህጻናት ከይድኩም ምስቶም ዝምልከቶም ኣካል ርክባት ክትገብሩ ትኽእሉ ኢኹም። ኣብኡ ኬድኩም ተወሳኺ ሓበሬታ ክወሃበኩም ይኽእል ኢዩ። ብተወሳኺ'ውን ኣብቲ መዋእለ ህጻናት ብምኻድ ነቲ ናቶም መደብን ዝግበር መዓልታዊ ንጥፈታትን፣ ናይ ህጻናት ኣማሃህራ ስልትታቶምን ክትዕዘቡ ትኽእሉ ኢኹም።
ከም ልሙድ ኣብ ኩሉ ናይ መዋእለ ህጻናት ኣብቲ ናይ ፈለማ መዓልትታት ምስ ውላድኩም ኣብኡ ክትጽንሑን ብሓባር ምስኡ ድማ እቲ ናይቲ መዋእለ ህጻናት መዓልታዊ ናብራ ክትላለይዎ ትኽእሉ ኢኹም።
እንተድኣ ብጀካ እቲ ናይ ግብረ ሰናይ (ናይ ሶሻል ALG II) ዝወሃበኩም ሓገዝ ካልእ እቶት ዘይብልኩም ኮይኑ ወይ ብመጽሓፍ ሕጊ ናይ ዑቕበኛታት ዝተወሰነ ናይ ዑቕባ ዝሓተቱ ክወስድዎ ዘለዎም ናይ ገንዘብ ብዝሒ ትወስዱ እንድሕር ኮይንኩም ነቲ ናይ ድቅኹም ናብ ናይ መዋእለ ህጻናት ንምኻድ ዝኽፈል ዋጋ ንኽትከፍሉ ኣይትግደዱን ኢኹም። ኣብቲ ንስኹም እትነብርሉ ቦታ ዘሎ ምምሕዳር ብምውካስ ብኽመይ ኣገባብ ምልክታ ኣቕሪብኩም ካብቲ ናይ ምኽፋል ግዴታ ናጻ ክትኮኑሉ እትኽእሉ መንገዲ ክሕብርኹም ይኽእሉ ኢዮም።
እንተድኣ ናይ ገዛእ ርእስኹም ድሞዝ ኣለኩም ኮይኑ ግን ኣብቲ ዝግበር ናይ መዋእለ ህጻናት ክፍሊት ክትካፈሉ ትግደዱ ኢኹም። ደሞዞም ውሑድ ዝኾነን ብዙሓት ቆሉዑት ዘለውዎም ስድራ ቤት እንተኾይኖም ኣብቲ ናይ መዋእለ ህጻናት ዝኽፈል ዋጋ ቅናሽ ይግበረሎም ኢዩ። ተወሳኺ ሓበሬታ ብዛዕባ እዚ ጉዳይ ምስእትደልዩ ኣብቲ እትነብሩሉ ቦታ ዘሎ ምምሕዳር ብምውካስ ሓበሬታ ክትረኽቡ ትኽእሉ።
ናይ ትነብሩሉ ኮማት ንናይ መዋዕለ ህጻናት ቤት፡ ወይ ከኣ ንናይ መዋዕለ ህጻናት ክንክን ዝውዕል ሓገዝ ከመይ ጌርኩም ከም ትረኽቡ ሓበሬታ ይህባ። ጽማቑ ሓበሬታ ናይ ከባቢኹም ቀረባት ኣብ ናይ ኢንተርነት መርበብ ናይቲ ኮም ወይ ከኣ ኣብ ናይ መላእ ሃገር Kita-Portal ክርከብ ይከኣል።
ብተወሳኺ ናይ መዕበያ ሓላፍነት ዘለዎም (መብዛሕትኡ ግዜ ወለዲ) ንናይ ከባቢኦም ምምሕዳራት ክውከሱ ይኽእሉ።.
መብዛሕትኡ እዋን ወለዲ ካብ "ማእከላት ቤተሰብ" (Familienzentren) ደገፍ ይረኽቡ። ኣብኡ ናብ ስሩዕ ምእላይ መዋዕል ህጻናት ንምስግጋር ዝጠቅም ቀረባት ጉጅለታት ህጻናትን ወለድን ይረኽቡ።
ኩሎም ን Schleswig-Holstein (ሽለስቪግ ሆልሽታይን) ከም ቀንዲ መንበሪኦም ገይሮም ኣብኡ ብስርዓት ተመዝጊቦም ዝነብሩ ቆልዑን መንእሰያትን፡ ናብ ቤት ትምህርቲ ንኽኸዱ ይግደዱ። እዚ ኸኣ ብመሰረቱ ንደቂ ስደተኛታት እውን ይምልከት። ብዝከኣል መጠን ካብታ ዝኣተዉላ ቀዳመይቲ መዓልቲ ጀሚሮም ከኣ ቋንቋ ጀርመን ይመሃሩ።.
ኣብ ጀርመን ስርዓተ ትምህርቲ ካብ ብዙሕ ዝተፈላለየ ዓይነት ትሕዝቶን ደረጃታትን ዘለዎ ዝተዋጸኤ ኢዩ። እቲ ደቕኹም ወይ ንስኹም ባዕልኹም ከከም ዕድሜኹም እትኸድዎ ወይ ክትከድዎ እትግደዱ ዝተፈላለየ ድርጅታትን ትካላትን ንምርኣይ ኣብዚ ዝስዕብ ኢንተርኣክቲቭ ዝኾነ ሓበሬታ ክትረኽብዎ ትኽእሉ ኢኹም። ኣብዚ ናይ ጀርመን ስርዓተ ትምህርቲ ብስእላዊ ዘርኢ ግራፊክ ኣብቲ ላዕለዋይ ሸነኽ ዘሎ መስመር ዕድሜኻ ክትህበሉ እትኽእል ክህሉ ከሎ ኣብ ትሕትኡ ድማ ሓደ መስመር ናይ ትምህርትኻ ክፍሊ ደረጃ ክትጽሕፈሉ እትኽእል ኣሎ። ኣብኡ ክሊክ ኣቢልኩም ምስእትኸፍትዎ እቲ ንዕኡ ዝምልከት ናይ ትምህርቲ ዓይነት ዝርዝር ክትረክቡ ትኽእሉ። ኣብቲ ከም ምልክት ኵናት ተመልኪቶ ዘሎ ምስእትርእዩ ድማ ውላድኩም ሓደ ዝተወሰነ ትምህርቲ ወዲኡ ምስተመረቐ ድሕሪኡ ኣበየናይ ዓይነት ትምህርቲ ክቕጽል ከምዝኽእል ክትፈልጡ ትኽእሉ ኢኹም ።
ኣብ ጀርመን ስራሕ ኣብ እትደልየሉ ጊዜ ናይ ሞያ ትምህርቲ ወይ ናይ ዩኒቨርሲቲ ትምህርቲ ዝወዳእኻ እንድሕር ኮይንካ ኣብ ስራሕ ናይ ምርካብ ዓቢ ተራ ክጻወት ይኽእል ኢዩ። ናይ ሞያ ትምህርቲ ንኽትመሃር ቅድሚኡ እቲ መደባዊ ትምህርቲ ክትውድእ ኣሎካ። ስለዚ እዚ እውን እንተኾነ ኣብ ጀርመን ክትገብሮ ትኽእል ኢኻ።
እንተድኣ ናይ ሞያ ትምህርቲ ዘይወዳእኹም ኮይንኩም ዕድሜኹም ሰጋብ 18 ዝመልእ ናይ ሞያ ትምህርቲ ናይ ምምሃር ግዴታ ኣለኩም። ንስኹም ናብቲ ናይ ሞያ ትምህርቲ ንምድላው ዝቖመ ክፍሊ (Berufsintegrationsklassen (BiK- DaZ)) ከምኡ'ውን ናይ ሞያ ትምህርቲ መቀራረቢ ዓመት („Ausbildungsvorbereitendes Jahr“ (AV - SH)) ትኸዱ። ኣብ ከምዚ ዓይነት ትምህርቲ ኣብ ትማሃርሉ ጊዜ ብተወሳኺ ናይ ማሕበራዊ ናይ ምንባይን ደገፍ (sozialpädagogische Betreuung) ከምኡ'ውን ከከም ናይ ቋንቋ ደረጃ ክእለትኩም ናይ ቋንቋ ትምህርቲ (DaZ -Unterricht ቋንቋ ጀርመን ከም ካልኣይ ቋንቋኹም) ትምሃሩ። እንተድኣ ድሕሪኡ ናይ ሞያ ልምምድ ክትገብርሉ እትኽእሉ ቦታ ረኺብኩም ኣብቲ ናይ ሞያ ትምህርቲ ናይ ምምሃር ግዴታ ኣለኩም፣ ኣብቲ ናይ ሞያ ትምህርቲ ዝመሃርሉ ክፍሊ እንዳኸድኩም ድማ ትመሃሩ።
ማእከላት ዳዝ (DaZ -Zentren) ምስ ቤት ትምህርቲ ብምጽማድ፡ ብንቡር ኣሰራርሓ ስርዓት ትምህርቲ ከይተቐየዳ ናይ ቋንቋ ጀርመን ትምህርቲ ኣዳሊወን የቕርባ። እዚ ማለት ከኣ ትሑት ፍልጠት ቋንቋ ዘለዎም ወይ ከኣ ጠሪሶም ቋንቋ ጀርመን ዘይክእሉ ናብ ቤት ትምህርት ንኽኸዱ ግዱዳት ዝኾኑ ቆልዑትን መንእሰያትን ኣብ ሓደ ቦታ ተኣኪቦም ይመሃሩ ማለት'ዩ። መማህራኖም ነዚ መስርሕ እዚ ተባሂሎም ዝሰልጠኑን ፍልጠት ዝረኸቡን ይኾኑ።
ዕላማ ኸኣ ኣየናይ ናይ ኣደ ቋንቋ ይዛረቡን፡ ካበየነይቲ ሃገር ይምጽኡን፡ ብዘየገድስ፡ ቆልዑን መንእሰያትን በብዓቅሞም ኣብ ቤት ትምህርቲ ብዓወት ክካፈሉን፡ ትምህርቶም ክውድኡን ንምብቃዕ ኢዩ።.
ከም ስሩዕ ኣሰራርሓ፡ ቆልዑን መንእሰያትን ኣብ መሰረታዊ መድረኽ እዮም ዝጅምሩ፡ ኣብ ብዙሓት ከባቢታትን ኣብ ከባቢ ዘይኣተዋ ከተማታትን ከኣ ብገምጋም 25 ሰዓታት ሰሙናዊ ትምህርቲ (25 Wochenstunden) ይረኽቡ ። ዕለታዊ ናይ ክልተ ሰዓታት ትምህርቲ ቛንቋ ምውሳድ፡ ኣብ ዝተረፈ ናይ ቅድሚ ፍርቂ መዓልቲ እዋን ከኣ ምስ ካልኦት ተመሃሮ ኣብ ''ስሩዕ ቤት ትምህርቲ'' ምክፋልን እውን ይከኣል እዩ። ኣብ መሰረታዊ መድረኽ ተመሃሮ ንኽንደይ ሰዓታት ክመሃሩ ከም ዝግብኦም ብመማህራን ይውሰን።.
ብድሕሪኡ ኣብ ናይ ምህናጽ መድረኽ ይቅጸል። በዚ'ውን ተመሃሮ ናይ ዳዝ ክፍሊ (DaZ -Klasse) ናይ መሰረት መድረኽ ገዲፎም ናብ ስሩዕ ትምህርት ይቕጽሉ፡ ገለ'ውን ናብ ካልእ ቤት ትምህርቲ ይቕይሩ ማለት እዩ።.ኣብ ርእሲ እቲ ስሩዕ ትምህርቲ ካብ ኣርባዕተ ክሳዕ ሽዱሽተ ሰዓታት ዝኣክል ካብ መማህራን ማእከላት ዳዝ (DaZ -Zentren) ትምህርቲ ይወሃቦም። ኣብቲ ናይ መወዳእታ መድረኽ ተመሃሮ ብምልኣት ኣብ ስሩዕ ትምህርቲ ይካፈሉ። ኣብ ሰሰሙን ከኣ ብስሩዕ ፍሉይ ናይ ቋንቋ ደገፍ ካብ መማህራኖም ይውሃቦም።
ዞባውያን ናይ ሞያ ስልጠና ማእከላትን (RBZ) ናይ ሞያ ስልጠና ቤት ትምህርቲታትን (BBS)
ኣብ ዞባውያን ናይ ሞያ ስልጠና ማእከላትን (RBZ) ናይ ሞያ ስልጠና ቤት ትምህርቲታትን (BBS) ናይ ሞያ ትምህርቲ ንኽወስዱ ግዴታ ዘለዎም ተመሃሮ፡ ናይ DaZ ተደገፍቲ (ጀርመን ካልኣይ ቋንቁኦም ዝኾነ) ኣብ መስርሕ ምምሃር ቋንቋን ስጉምቲታት ምውህሃድን ምሕብሓብን ደገፍን ይረኽቡ።
ኣብ ትምህርታዊ መስርሕ ናይ ሞያዊ ምውህሃድ DaZ (BiK- DaZ) ንተመሃሮ ክሳብ ናይ A2 ደረጃ (Niveau A2) ዘበጽሕ ናይ ቋንቋ ትምህርቲ ይወሃቦም። እዚ ኸኣ ነቲ ቀጺሎም ዝወስድዎ ምድላው ሞያዊ ስልጠና ሽለስቪግ ሆልሽታይን Ausbildungsvorbereitung Schleswig-Holstein ( AV - SH) ከምኡውን ዝውሰኽ ቋንቋዊ ትምህርትን ምድላው ንቔዳማይ ምውዳእ ሓፈሻዊ ትምህርቲ (Erster allgemeinbildenden Schulabschluss (ESA ) ) ሓገዝ ይኾኖም። እቲ ዕላማ ኸኣ ናብ ናይ ቤት- ትምህርተ- ግብራዊ ስልጠና ወይ ከኣ ናብ ናይ ምሉእ ግዜ መስርሕ ትምህርቲ ንምስግጋር እዩ።
